Фото: ЕАБР
Інфляцыя паскорылася ў Беларусі па выніках кастрычніка ў асноўным за кошт росту цэн на нехарчовыя тавары. Да такой высновы прыйшлі аналітыкі ЕАБР у штотыднёвым аглядзе эканомік краін – удзельніц банка.
На мінулым тыдні Белстат апублікаваў даныя аб інфляцыі ў кастрычніку. Гадавая інфляцыя вырасла да 4,7% пасля 4,6% па выніках верасня.
“Асноўным фактарам, які паўплываў на дынаміку, стала паскарэнне росту цэн на нехарчовыя тавары да 4,4% г/г пасля 3,7% месяцам раней. Гэтаму магло спрыяць скарачэнне пераліку тавараў, якія падпадаюць пад дзяржаўнае рэгуляванне цэн, што адбылося ў канцы ліпеня”, – гаворыцца ў аглядзе.
Аналітыкі адзначаюць, што на гэтым фоне вырасла базавая інфляцыя да 5%. У выніку яны чакаюць, што рост цэн па выніках 2026 года ў Беларусі складзе каля 5%.