Фото: ЕАБР
Рост заробкаў і даходаў насельніцтва стварае ўмовы для росту спажывецкай актыўнасці. Пра гэта гаворыцца ў штотыднёвым аглядзе эканомік краін – удзельніц ЕАБР. Раней аналітыкі банка называлі спажывецкі попыт адным з асноўных драйвераў эканамічнага росту ў Беларусі.
“У верасні 2026 г. рэальны заробак павялічыўся на 7,4% г/г пасля 8,1% г/г у жніўні. Наймальнікі па-ранейшаму павышалі памер аплаты працы з-за недахопу персаналу. Узровень беспрацоўя знізіўся з 2,1% у II кв. да 1,9% у III кв., абнавіўшы гістарычны мінімум”, – канстатавалі ў ЕАБР.
У банку таксама звярнулі ўвагу на павышэнне базавай стаўкі ў верасні, да якой прывязаная аплата работнікаў бюджэтнай сферы.
“Гэта дазволіла захаваць апераджальны рост у бюджэтнай сферы (+8,3% г/г) у параўнанні з сярэднім па эканоміцы. Захаванне росту рэальных даходаў стварае ўмовы для далейшага пашырэння спажывецкай актыўнасці”, – заключылі ў ЕАБР.