Фото: Генпрокуратура
Пракуратура накіравала ў суд крымінальную справу ў дачыненні да чатырох замежнікаў. Яны абвінавачваюцца ў арганізацыі незаконнай міграцыі (ч.1 арт.371-1 Крымінальнага кодэкса). Усе чацвёра застаюцца пад вартай.
Абвінавачаным ад 19 да 29 гадоў. Паводле версіі следства, яны арганізавалі міграцыю 19 замежнікаў. Даход абвінавачаных ад гэтай дзейнасці перавысіў 19 тыс. рублёў.
У канцы мая 2026 года абвінавачаныя арганізавалі перавозку ў Мінск з прыгранічнага раёна сямярых замежнікаў, сярод якіх былі пяцёра дарослых і двое дзяцей. У чэрвені 2026 года яны ж арганізавалі міграцыю яшчэ 11 чалавек, якія перасеклі мяжу ў раёне Сожа. Падчас трэцяга эпізоду была арганізавана міграцыя яшчэ аднаго чалавека.
“Для забеспячэння знаходжання незаконна прыбылых замежнікаў на тэрыторыі краіны абвінавачаныя арандавалі жылыя памяшканні для іх часовага пражывання”, – расказалі ў пракуратуры.
Замежнікі перасякалі мяжу па-за ўстаноўленымі пунктамі пропуску, не маючы неабходных для ўезду віз.
Грамадзянская прыналежнасць арганізатараў і асоб, якія перасеклі мяжу, не ўдакладняецца.