Фото: facebook.com/Aizsardzibasministrija
Урад Беларусі ўвёў забарону на ўвоз асобных тавараў з Латвіі.
«Такое рашэнне прынята ў сувязі з захаваннем латвійскім бокам неканструктыўных падыходаў і недружалюбнай рыторыкі ў адносінах з Беларуссю», – паведамляе прэс-служба ўрада.
Пад забарону трапляюць рыбныя кансервы і розныя віды прамысловых вырабаў.
Нагадаем, што з 2021 года ўжо дзейнічае забарона на ўвоз асобных тавараў з «недружалюбных краін», да якіх адносіцца і Латвія.