Фото: nadbuzanski.strazgraniczna.pl
Грамадзяніна Беларусі затрымалі на польска-беларускай мяжы. Ён спрабаваў выехаць з Польшчы на фуры з паўпрычэпам са змененым VIN-нумарам, паведамляе польская памежная служба.
38-гадовы кіроўца перасякаў мяжу ў Кукурыках. Памежнікі праверылі грузавік і выявілі, што ў VIN-нумар паўпрычэпа Schmitz былі ўнесены змены.
Пачата дасудовае расследаванне. Матэрыялы справы перададзены паліцыі ў Тэрэспалі. Транспартны сродак коштам 100 тысяч злотых (28,2 тысячы долараў) канфіскаваны.