Фото: mchs.gov.by
Беларусь накіруе Венесуэле гуманітарную дапамогу ў сувязі з наступствамі землятрусаў, якія адбыліся 24 чэрвеня.
Адпаведную пастанову падпісаў прэм’ер-міністр Аляксандр Турчын. Рашэнне прынята са згоды Аляксандра Лукашэнкі.
«У склад гуманітарнага грузу плануецца ўключыць маёмасць для забеспячэння жыццядзейнасці, мотапомпы, кампрэсарную станцыю, а таксама 12 тон медыцынскай прадукцыі», — паведамляе прэс-служба ўрада.
Сума дапамогі з улікам дастаўкі складзе больш за 1 млн рублёў.