Фото: Олег Шишловский, «Ваяр»
Акрэдытаваныя ў Беларусі ваенныя дыпламаты назіралі за розыгрышам практычных дзеянняў у рамках камандна-штабнога вучэння з войскамі Заходняга аператыўнага камандавання. Як паведамілі ў Мінабароны, сярод іх былі ваенныя аташэ пяці краін НАТА: Балгарыі, Венгрыі, Турцыі, ЗША і Чэхіі.
“Прадстаўнікі замежнага ваенна-дыпламатычнага корпуса змаглі асабіста пераканацца, што вучэнне мае выключна абарончы характар і накіравана на ўмацаванне здольнасці войскаў Рэспублікі Беларусь забяспечваць абарону суверэнітэту і тэрытарыяльнай цэласнасці дзяржавы”, — пракаментавалі ў міністэрстве.
Ваенныя дыпламаты назіралі за адпрацоўкай узаемадзеяння авіяцыі і мотастралковых падраздзяленняў.