Иллюстративное фото
Сіноптыкі аб’явілі аранжавы ўзровень небяспекі з-за спёкі на сераду. Папярэджанне датычыцца паўднёвага захаду Беларусі.
“Днём 9 верасня (серада) па паўднёвым захадзе краіны максімальная тэмпература паветра дасягне +30… +32°С”, – гаворыцца ў паведамленні.
Заўтра ўмовы надвор’я ў Беларусі будуць вызначаць вобласць павышанага атмасфернага ціску і цёплая паветраная маса. Ноччу пераменная воблачнасць, днём малааблочна. Без ападкаў. У начныя і ранішнія гадзіны месцамі слабы туман. Вецер паўднёвы ноччу слабы, днём умераны. Тэмпература максімальная днём +23… +29°С.
У наступныя дні стане халадней.