Фото: president.gov.by
Дзяржаўных узнагарод і Падзякі прэзідэнта ўдастоены аграрыі і калектывы сельгаспрадпрыемстваў Брэсцкай вобласці. Адпаведныя ўказ і распараджэнне падпісаў Аляксандр Лукашэнка, паведаміла яго прэс-служба.
Ордэнам Працоўнай Славы ўзнагароджаны калектыў ААТ «Святая Воля» Івацэвіцкага раёна. Ордэн Пашаны атрымаў трактарыст-машыніст ААТ «Астрамечава» Брэсцкага раёна Анатоль Тамчук.
Медалямі «За працоўныя заслугі» ўзнагароджаны вадзіцель ААТ «Пачапава» Пінскага раёна Генадзь Грушэўскі, дырэктар ААТ «Вінец» Бярозаўскага раёна Яўген Шымчук, а таксама трактарысты-машыністы Аляксандр Місюк з ААТ «Рагазнянскі» Жабінкаўскага раёна і Міхаіл Пацукевіч з СВК «Федарскі» Столінскага раёна.
Званне «Заслужаны работнік сельскай гаспадаркі» прысвоена дырэктару ААТ «Велікасельскае Агра» Пружанскага раёна Васілю Севасцьянчыку.
Падзяка Лукашэнкі аб’яўлена калектыву СУП «Савушкін-Прамень», а таксама шэрагу работнікаў прадпрыемстваў. Сярод іх трактарысты-машыністы Валерый Дзямідчык з гаспадаркі «Узнясенскі» Жабінкаўскага раёна і Васіль Карчомны з ААТ «Святая Воля» Івацэвіцкага раёна, а таксама вадзіцель ААТ «Белавежскі» Камянецкага раёна Ігар Раманюк.
Падзякай адзначаны работнікі, якія падчас уборачнай кампаніі дапамагалі сельгаспрадпрыемствам. Сярод іх старшы інструктар і вадзіцель пажарнай аварыйна-выратавальнай часці №1 Пружанскага РАНС, а таксама трактарыст-машыніст сельгаспрадпрыемства «Жураўлінае» Вячаслаў Бірук. Падзяку таксама атрымаў ахоўнік вартавой аховы Ленінскага аддзела Дэпартамента аховы МУС Уладзімір Дудар, які падчас уборачнай працаваў трактарыстам-машыністам у ААТ «Астрамечава».