«Мінсктранс» не ўзгадніў маршруты ў Варшаву і Вільнюс для прыватных перавозчыкаў. Умяшаўся МАРГ

Рэдакцыя Reform.news · 6 лістапада 2026, 22:33

https://reform.news/be/minsktrans-ne-zgadni-marshruty-varshavu-i-vilnjus-dlja-pryvatnyh-peravozchyka-umjasha-sja-marg/

Міністэрства антыманапольнага рэгулявання і гандлю выявіла парушэнні ў дзеяннях «Мінсктранса» як суб’екта натуральнай манаполіі ў сферы паслуг транспартных тэрміналаў у Мінску.

«Мінсктранс» адмаўляўся ўзгадніць расклады руху аўтобусаў Мінск – Беласток – Варшава і Мінск – Вільнюс для перавозчыка «Ваджэн транс» і Мінск – Варшава для перавозчыка «Сандзіта». Без такога ўзгаднення перавозчыкі не маглі атрымаць дазволы на выкананне міжнародных перавозак.

«Аднак перавозчыкам было адмоўлена ва ўзгадненні, тады як аналагічныя расклады з супадальным або мінімальным інтэрвалам адпраўлення раней узгадняліся іншым перавозчыкам», – паведамляе міністэрства.

Перавозчыкі звярнуліся са скаргамі ў МАРГ. Звароты былі разгледжаны. МАРГ выявіў у працы «Мінтранса» прыкметы парушэння законаў «Аб натуральных манаполіях» і «Аб супрацьдзеянні манапалістычнай дзейнасці і развіцці канкурэнцыі».

Прадпрыемству былі вынесены папярэджанні. Паведамляецца, што «Мінсктранс» аператыўна ліквідаваў недахопы.