Казахстан чакае адказу ад РФ аб аднаўленні паставак па “Дружбе”

Рэдакцыя Reform.news · 4 лістапада 2026, 14:05

https://reform.news/be/kazahstan-chakae-adkazu-ad-rf-ab-adna-lenni-pastavak-pa-druzhbe/

Казахстан накіраваў Расіі запыт аб аднаўленні паставак па нафтаправодзе “Дружба”. Пра гэта заявіў міністр энергетыкі краіны Ерлан Аккенжэнаў.

“Афіцыйны запыт мною асабіста быў адрасаваны: тэт-а-тэт. Запыт перададзены. Казахстанскі бок чакае адказу ад расійскага боку”, – сказаў ён.

Нагадаем, казахстанская нафта па сістэме нафтаправода “Дружба”, які праходзіць у тым ліку па беларускай тэрыторыі, паступала на НПЗ у нямецкім Шведце. Аднак з мая Расія спыніла гэты транзіт. За першыя чатыры месяцы гэтага года Казахстан паспеў прапампаваць у Германію 1,02 млн т нафты. Яго планы паставак па “Дружбе” на гэты год складалі 3 млн т.