Рыжанкоў анансаваў рознабаковую паездку Лукашэнкі

Рэдакцыя Reform.news · 2 лістапада 2026, 07:32

https://reform.news/be/ryzhanko-anansava-roznabakovuju-paezdku-lukashjenki/

Аляксандр Лукашэнка у найбліжэйшы час возьме ўдзел у шэрагу міжнародных мерапрыемстваў, а таксама здзейсніць “рознабаковую” паездку. Пра гэта ў эфіры беларускага тэлебачання расказаў міністр замежных спраў Максім Рыжанкоў.

“Будзе канферэнцыя па еўразійскай бяспецы. Мы чакаем вельмі шмат цікавых гасцей і разлічваем, што кіраўнік дзяржавы прыме некаторых з іх. Потым будзе мерапрыемства па лініі АДКБ у Маскве, потым мы чакаем вельмі цікавую паездку прэзідэнта, шматпланавую і дастаткова такую рознабаковую”, – сказаў ён.

Мінская канферэнцыя па еўразійскай бяспецы пройдзе ў беларускай сталіцы 3-4 лістапада. Саміт АДКБ запланаваны ў Маскве на 11 лістапада.

У канцы лістапада мінулага года Аляксандр Лукашэнка адправіўся ў Аман, дзе толькі на чацвёрты дзень візіту з’явіўся на публіцы і правёў перамовы з султанам Хайсамам бен Тарэкам Аль Саідам. На наступны дзень пасля гэтага ён адправіўся ў Алжыр, адкуль зноў вярнуўся ў Аман, і толькі праз пару дзён вылецеў у Беларусь. У выніку яго паездка працягвалася з 28 лістапада па 7 снежня.