Польшча дэпартавала 9 грамадзян Беларусі, датычных да незаконнага абароту тытунёвай прадукцыі

Рэдакцыя Reform.news · 12 кастрычніка 2026, 09:34

https://reform.news/be/polshcha-djepartavala-9-gramadzjan-belarusi-datychnyh-da-nezakonnaga-abarotu-tytunjovaj-pradukcyi/

Памежная ахова Польшчы паведаміла пра дэпартацыю 9 грамадзян Беларусі. Яны былі высланыя на радзіму.

“Замежнікам было выстаўлена абвінавачанне ва ўдзеле ў арганізаванай злачыннай групе, якая займалася незаконнай вытворчасцю і абаротам цыгарэт без польскіх акцызных марак”, – гаворыцца ў паведамленні Марскога аддзела Памежнай аховы Польшчы.

Высланыя грамадзяне Беларусі ўтрымліваліся ў розных пенітэнцыярных установах Паморскага ваяводства.

У дачыненні да дзевяцярых грамадзян нашай краіны таксама прынята рашэнне аб забароне на ўезд у Польшчу і краіны шэнгенскай зоны на 7 гадоў.