Спецназ Беларусі і Ірана адпрацаваў вызваленне закладнікаў на хакейным матчы

Рэдакцыя Reform.news · 8 кастрычніка 2026, 13:55

https://reform.news/be/specnaz-belarusi-i-irana-adpracava-vyzvalenne-zakladnika-na-hakejnym-matchy/

У Мінску праходзяць антытэрарыстычныя вучэнні краін СНД і ШАС «Еўразія-Антытэрор — 2026». У іх бяруць удзел спецпадраздзяленні Беларусі, Казахстана, Кітая, Ірана, Расіі і Узбекістана. Ад Ірана ў Беларусь прыбыў атрад спецназа КСІР.

Сёння ў рамках вучэнняў адпрацоўвалася вызваленне закладнікаў на «Чыжоўка-Арэне». Паводле легенды, захоп закладнікаў адбыўся падчас хакейнага матча. Тэрарысты праніклі на гульню і адкрылі агонь па заўзятарах і спартсменах.

Яшчэ адзін эпізод вучэнняў — нейтралізацыя ўзброеных груп, якія перасеклі мяжу па вадзе.

«Паводле задумы злачынцы з выкарыстаннем БПЛА і безэкіпажных катараў мелі намер атакаваць крытычна важныя аб’екты. Спецпадраздзяленнем ажыццёўлены пад’ём па трывозе ў паветра ўдарнага беспілотнага лятальнага апарата верталётнага тыпу “Охотник”», — паведамляе МУС.

У гэтым эпізодзе ўдзельнічалі мабільныя агнявыя групы КДБ і САБРа ўнутраных войскаў МУС Беларусі, байцы Цэнтра спецыяльнага прызначэння ФСБ Расіі на пікапах.