Расія ўдарыла па ўкраінскай Акадэміі навук. Зяленскі абяцае адказ

Рэдакцыя Reform.news · 28 верасня 2026, 15:00

https://reform.news/be/rasija-daryla-pa-krainskaj-akadjemii-navuk-zjalenski-abjacae-adkaz/

Расія сёння днём нанесла ўдар па будынку Нацыянальнай акадэміі навук Украіны. У прэс-службе акадэміі заявілі, што было «прамое пападанне расійскага дрона ў будынак НАН».

У будынку ўзнік пажар. Некаторыя супрацоўнікі акадэміі аказаліся адрэзаныя агнём. На месцы ідзе выратавальная аперацыя.

На ўдар адрэагаваў прэзідэнт Украіны Уладзімір Зяленскі. Ён паабяцаў адказ.

«Расійскі ўдар па будынку ўкраінскай Акадэміі навук. Цяпер ідзе выратавальная аперацыя, тушаць пажар, шукаюць людзей, якія маглі знаходзіцца ў будынку. Усе службы задзейнічаныя. Сёння ж у Кіеве былі атакаваныя фармацэўтычная кампанія і запраўкі, у Дняпры — бізнес-цэнтр, у іншых гарадах і рэгіёнах таксама грамадзянскія аб’екты, прадпрыемствы, аб’екты сувязі. На жаль, ёсць загінулыя… Мае спачуванні родным і блізкім. Абавязкова будзе адказ на гэта Расіі», — заявіў Зяленскі.