Колькасць зніклых без вестак пасля катастрофы ў Непале і Тыбеце перавысіла 1300

Рэдакцыя Reform.news · 27 жніўня 2026, 10:40

https://reform.news/be/kolkasc-zniklyh-bez-vestak-paslja-katastrofy-nepale-i-tybece-peravysila-1300/

У выніку апоўзня і паводкі, якая адбылася пасля яго, у памежжы Непала і Кітая зніклымі без вестак лічацца ўжо больш за 1300 чалавек, уключаючы 700 замежнікаў.

Як паведамляе Reuters са спасылкай на непальскія ўлады, загінулі 165 чалавек, зніклымі без вестак лічацца 826 чалавек, у тым ліку каля паўтысячы замежных турыстаў: 177 грамадзян Індыі, 63 грамадзяніны ЗША, 34 – Аўстраліі, 33 – Вялікабрытаніі, 25 – Канады.

Паводле інфармацыі кітайскіх уладаў, у Тыбеце ў выніку прыроднай катастрофы зніклымі без вестак лічацца 558 чалавек, у тым ліку 260 замежнікаў.

У чацвер раніцай непальская армія з дапамогай верталётаў выратавала больш за 100 чалавек з раёнаў, якія пацярпелі ад паводкі. Прынамсі восем замежных грамадзян былі дастаўлены па паветры ў сталіцу краіны.

Целы некаторых загінулых былі знойдзены прыкладна за 100 км ніжэй па цячэнні ад зоны бедства.