“Флагшток”: з-за атакі беспілотнікаў не працуе пункт пропуску на беларуска-расійскай мяжы

Рэдакцыя Reform.news · 11 жніўня 2026, 14:21

https://reform.news/be/flagshtok-z-za-ataki-bespilotnika-ne-pracue-punkt-propusku-na-belaruska-rasijskaj-mjazhy/

Сёння з-за ўдару БПЛА не працуе пункт пропуску «Красный Камень» на расійска-беларускай мяжы. Пра гэта паведамляе “Флагшток” са спасылкай на тэматычныя групы ў месенджарах.

У раёне пункта пропуску была зафіксаваная атака дрона. У выніку загарэліся два грузавыя аўтамабілі з паўпрычэпамі.

Чакаецца, што з-за інцыдэнту рух праз пункт пропуску застанецца закрытым як мінімум да заўтрашняй раніцы.

Пункт пропуску знаходзіцца на дарозе Гомель – Бранск.