У Літве «збілі» чатыры беспілотнікі кантрабандыстаў

Рэдакцыя Reform.news · 3 жніўня 2026, 11:32

https://reform.news/be/u-litve-zbili-chatyry-bespilotniki-kantrabandysta/

Літоўскія памежнікі на мінулым тыдні перахапілі адразу чатыры беспілотнікі кантрабандыстаў. Як паведамілі сёння ў Службе аховы дзяржаўнай мяжы, дроны былі перахоплены ў Лаздзіяйскім раёне.

Падчас патрулявання мяжы супрацоўнікі пачулі характэрныя гукі дронаў. Яны ўжылі адразу два супрацьдронавыя сродкі.

Неўзабаве памежнікі знайшлі разбіты сіні беспілотнік з цыгарэтамі. Праз некалькі хвілін быў знойдзены яшчэ адзін дрон белага колеру. Затым памежнікі выявілі яшчэ два беспілотнікі.

Усяго канфіскавана 4 тыс. пачак цыгарэт NZ Gold і NZ Black з беларускімі акцызнымі маркамі.

З пачатку года літоўскія памежнікі ўжо перахапілі 42 беспілотнікі кантрабандыстаў.