Трамп назваў добрымі сустрэчы з Зяленскім і Нетаньяху

Рэдакцыя Reform.news · 29 ліпеня 2026, 07:54

https://reform.news/be/tramp-nazva-dobrymi-sustrjechy-z-zjalenskim-i-netanjahu/

Прэзідэнт ЗША Дональд Трамп заявіў, што сустрэчы з прэзідэнтам Украіны Уладзімірам Зяленскім і прэм’ер-міністрам Ізраіля Біньямінам Нетаньяху прайшлі добра. Падобныя пасты ён размясціў у сетцы Truth Social.

“Для мяне вялікі гонар сустрэцца з прэзідэнтам Украіны Зяленскім. Было абмеркавана шмат пытанняў. Сустрэча прайшла вельмі добра!” – заявіў Трамп.

«Прэм’ер-міністр Ізраіля Бібі Нетаньяху, я і мае прадстаўнікі правялі вельмі добрую сустрэчу! Відавочна, абмяркоўвалася шмат важных пытанняў», – ахарактарызаваў Трамп другія перамовы.