БЧ папярэдзіла пра затрымку цягніка Адлер — Мінск з-за непагадзі

Рэдакцыя Reform.news · 27 ліпеня 2026, 10:27

https://reform.news/be/bch-papjarjedzila-pra-zatrymku-cjagnika-adler-minsk-z-za-nepagadzi/

Цягнік Адлер — Мінск, які адправіўся з Адлера 25 ліпеня, затрымліваецца на 3 гадзіны. Пра гэта папярэдзілі ў БЧ. Састаў павінен быў прыбыць у беларускую сталіцу сёння ў 17:10.

Аднак, паводле інфармацыі БЧ, цягнік «з-за неспрыяльных умоў надвор’я паступіць з Маскоўскай чыгункі на Беларускую чыгунку з затрымкай арыенціровачна 3 гадзіны».

У БЧ запэўнілі, што будуць прынятыя ўсе меры па скарачэнні часу спазнення цягніка падчас руху па тэрыторыі Беларусі.