Беларусь і Узбекістан падпісалі дэкларацыю аб стратэгічным партнёрстве

Рэдакцыя Reform.news · 9 ліпеня 2026, 13:56

https://reform.news/be/belarus-i-uzbekistan-padpisali-djeklaracyju-ab-stratjegichnym-partnjorstve/

Беларусь і Узбекістан падпісалі дэкларацыю аб стратэгічным партнёрстве і шэраг іншых дакументаў па выніках візіту ўзбекскага прэзідэнта ў Мінск.

Дэкларацыя аб устанаўленні адносін стратэгічнага партнёрства паміж Беларуссю і Узбекістанам была падпісана Аляксандрам Лукашэнкам і Шаўкатам Мірзіёевым.

«Гістарычны крок. Дакумент афіцыйна замацоўвае высокі ўзровень двухбаковых адносін, заснаваных на прынцыпах раўнапраўя, узаемнай павагі, даверу і ўліку інтарэсаў адзін аднаго. Гэта надасць дадатковы імпульс сумеснай працы ў палітычнай, гандлёва-эканамічнай, інвестыцыйнай, культурна-гуманітарнай сферах, у галіне бяспекі, процідзеяння сучасным выклікам і пагрозам», — пракаментаваў падпісанне Лукашэнка.

Таксама віцэ-прэм’еры Юрый Шулейка і Жамшыд Хаджаеў падпісалі дарожную карту па развіцці гандлёва-эканамічнага і сацыяльна-гуманітарнага супрацоўніцтва на 2026–2030 гады.

Міністэрствы фінансаў дзвюх краін падпісалі мемарандум аб узаемадзеянні. Таксама падпісаны мемарандумы ў сферах працы і сацыяльнай абароны, сельскай гаспадаркі, навукова-тэхнічнага супрацоўніцтва, фундаментальных і стратэгічных даследаванняў, культуры і мастацтва, турызму, лёгкай прамысловасці.