Паляка і расіяніна будуць судзіць за абыход санкцый пры пастаўках тавараў двайнога прызначэння

Рэдакцыя Reform.news · 10 чэрвеня 2026, 10:36

https://reform.news/be/paljaka-i-rasijanina-buduc-sudzic-za-abyhod-sankcyj-pry-pasta-kah-tavara-dvajnoga-pryznachjennja/

Польская пракуратура накіравала ў суд абвінаваўчае заключэнне ў дачыненні да грамадзян Расіі і Польшчы. Эдуард К. і Кшыштаф Я. абвінавачваюцца ва ўдзеле ў арганізаванай злачыннай групе, якая займалася незаконным гандлем таварамі двайнога прызначэння, што маюць стратэгічнае значэнне для нацыянальнай бяспекі.

У 2025 годзе яны арганізавалі пастаўку тавараў двайнога прызначэння і прамысловага абсталявання ў Расію. Тавары былі набыты ў Германіі і дастаўлены ў Польшчу. У далейшым іх мелі намер адправіць у Турцыю, адкуль яны павінны былі трапіць у Расію.

У верасні мінулага года партыя падсанкцыйных тавараў была перахоплена польскімі службамі.