Жыхароў дома, побач з якім абваліўся грунт, адселяць

Рэдакцыя Reform.news · 8 чэрвеня 2026, 17:45

https://reform.news/be/zhyharo-doma-pobach-z-jakim-abvali-sja-grunt-adseljac/

Жыхароў дома ў Віцебску, побач з якім абваліўся грунт, часова адселяць на час правядзення аднаўленчых работ. Прыкладны час выканання работ — адны суткі.

Цэласнасць падмурка дома не парушаная. Пачаты работы па расчыстцы пад’езда да месца для далейшай укладкі пліт, падсыпцы і ўмацаванні грунту, паведамляе газета «Віцьбічы».

«Абвал адбыўся на плошчы 10 на 20 метраў. У той жа дзень былі дастаўлены тры аэрадромныя пліты ПАГ, якія ўкладзены ў зону правалу. Далей плануецца выканаць уладкаванне шпунтавай агароджы — палі будуць утрымліваць грунт, які затым падсыплюць да неабходнага ўзроўню», — заявіў намеснік старшыні гарвыканкама Павел Шыкшнян.

Нагадаем, абвал грунту на вуліцы Шрадэра адбыўся сёння падчас правядзення земляных работ па пракладцы каналізацыйнай трубы. Папярэдняй прычынай прасадкі названыя багатыя ападкі.