У Кіеве адкрылі Місію дэмакратычных сіл Беларусі

Рэдакцыя Reform.news · 26 мая 2026, 20:54

https://reform.news/be/u-kieve-adkryli-misiju-djemakratychnyh-sil-belarusi/

У Кіеве адбылася ўрачыстая цырымонія адкрыцця місіі беларускіх дэмакратычных сіл ва Украіне, паведамляе прэс-служба Аб’яднанага пераходнага кабінета. У мерапрыемстве ўзялі ўдзел кіраўніца АПК Святлана Ціханоўская і іншыя прадстаўнікі кабінета, Офіса і Каардынацыйнай рады.

З украінскага боку на цырымоніі прысутнічалі намеснік міністра замежных спраў Яўген Перабійніс і іншыя афіцыйныя асобы.

Падчас цырымоніі Ціханоўская ўручыла ўзнагароды АПК двум дэпутатам Вярхоўнай Рады — членам міжфракцыйнага аб’яднання «За дэмакратычную Беларусь» Вадзіму Галайчуку і Ігару Гузю.