Мытнікі не далі гомельскім ІП завезці тавары з Расіі

Рэдакцыя Reform.news · 22 мая 2026, 10:31

https://reform.news/be/mytniki-ne-dali-gomelskim-ip-zavezci-tavary-z-rasii/

ДМК адсправаздачыўся пра праверку аўтобуса Гомель-Масква-Гомель. У выніку пасажыры пазбавіліся тавараў.

Як паведамілі ў ДМК, спецыяльнае мерапрыемства праводзілася супрацоўнікамі гомельскай мытні на ўчастку мяжы з РФ. Яны спынілі аўтобус. У ім знаходзіліся прадпрымальнікі, якія вярталіся з Масквы.

“18 гомельскіх індывідуальных прадпрымальнікаў і яшчэ два грамадзяніны, у тым ліку кіроўца аўтобуса, мелі намер без якіх-небудзь дакументаў увезці ў агульнай колькасці больш за 9 тыс. адзінак адзення і абутку агульным коштам каля 270 тыс. рублёў. Тавары планавалі рэалізаваць на рынках Гомеля”, — распавялі ў ДМК.

У камітэце адзначылі, што звесткі пра выплату мытных плацяжоў пры ўвозе тавараў на тэрыторыю ЕАЭС адсутнічалі.

У дачыненні да парушальнікаў пачаты адміністрацыйны працэс.