На летнім фэсце Viva Braslav выступяць расійскія артысты, якія знаходзяцца пад украінскімі санкцыямі

Reform.news · 7 мая 2026, 13:45

https://reform.news/be/na-letnim-fjesce-viva-braslav-vystupjac-rasijskija-artysty-jakija-znahodzjacca-pad-ukrainskimi-sankcyjami/

Арганізатары фэсту Viva Braslav назвалі выступоўцаў: гэта беларускі выканаўца LYRIQ і расійскія артысты Дзіма Білан, МОТ, Ваня Дзмітрыенка, гурты «Комната культуры», «Давай на ты».

Частка ўдзельнікаў падтрымліваюць вайну ва Украіне. Так, Дзіма Білан за паездку ў акупаваны Крым трапіў у базу звестак украінскага Цэнтра «Міратворац», а Канада ў 2023 годзе ўключыла Білана ў спіс «расійскіх агентаў дэзінфармацыі» за распаўсюд прапаганды.

Артыст МОТ (Мацвей Мельнікаў) таксама ў базе «Міратворца», ён удзельнічаў прапагандысцкіх мерапрыемствах у акупаваным Крыме. У кастрычніку 2022-га МОТ трапіў пад украінскія санкцыі за падтрымку расійскай агрэсіі.

Фэст Viva Braslav пройдзе на Браслаўскіх азёрах з 24 па 26 ліпеня.

Падпісвайцеся на культурныя навіны Reform.news у Telegram