Дарадцы Ціханоўскай абмеркавалі стварэнне групы «За дэмакратычную Беларусь» у парламенце Арменіі

Рэдакцыя Reform.news · 6 мая 2026, 13:52

https://reform.news/be/daradcy-cihano-skaj-abmerkavali-stvarjenne-grupy-za-djemakratychnuju-belarus-u-parlamence-armenii/

У парламенце Арменіі можа з’явіцца група «За дэмакратычную Беларусь». Гэтае пытанне абмяркоўвалася на сустрэчы дарадцаў Святланы Ціханоўскай Дзяніса Кучынскага і Анатоля Лябедзькі з Рустэмам Бакаянам — адным з кіраўнікоў камітэта па правах чалавека ў армянскім парламенце.

Бакі абмеркавалі сітуацыю з правамі чалавека, магчымасці развіцця парламенцкага супрацоўніцтва, падтрымку беларусаў і абмен досведам, паведамляе Офіс Ціханоўскай.

Асноўнай тэмай сустрэчы стала стварэнне групы «За дэмакратычную Беларусь». Бакі дамовіліся вярнуцца да абмеркавання гэтага пытання пасля парламенцкіх выбараў у Арменіі.

«Парламенцкі складнік — гэта яшчэ адзін важны напрамак нашай працы. Мы паслядоўна пашыраем сетку падтрымкі Беларусі: такія групы ўжо дзейнічаюць у Малдове і Украіне, і наступная мэта — Арменія», — заявіў Лябедзька.