Мінтранс РФ паведаміў аб пачатку продажу білетаў на прыгарадныя цягнікі паміж Смаленскам, Оршай і Віцебскам

Рэдакцыя Reform.news · 25 сакавіка 2026, 09:24

https://reform.news/be/mintrans-rf-pavedami-ab-pachatku-prodazhu-bileta-na-prygaradnyja-cjagniki-pamizh-smalenskam-orshaj-i-vicebskam/

Міністэрства транспарту Расіі паведаміла, што пачаліся продажы білетаў на прыгарадныя цягнікі паміж Смаленскам, Віцебскам і Оршай. Яны пачнуць курсіраваць у красавіку.

Агульны час у дарозе паміж Смаленскам і Віцебскам складзе 2 гадзіны, ад Смаленска да Оршы — 1 гадзіна 40 хвілін. Паводле інфармацыі расійскага ведамства, білет са Смаленска ў Оршу каштуе 500 расійскіх рублёў у адзін бок, а ў Віцебск — 435 расійскіх рублёў.

Перавозчыкам будзе Цэнтральная прыгарадная пасажырская кампанія. Паміж Смаленскам і Віцебскам будуць курсіраваць двухвагонныя дызель-цягнікі РА-3, а ў Оршу паедуць чатырохвагонныя электрацягнікі ЭП3Д.