Рыжанкоў абмеркаваў з паслом Кітая графік кантактаў на ўзроўні кіраўніцтва краін

Рэдакцыя Reform.news · 27 лютага 2026, 12:48

https://reform.news/be/ryzhanko-abmerkava-z-paslom-kitaja-grafik-kantakta-na-zro-ni-kira-nictva-krain/

Міністр замежных спраў Беларусі Максім Рыжанкоў сустрэўся з паслом Кітая Чжан Вэньчуанем.

Тэмай сустрэчы стала двухбаковая і міжнародная павесткі. Бакі абмеркавалі графік кантактаў на ўзроўні кіраўніцтва краін у 2026 годзе. Таксама ішла размова аб узаемадзеянні ў міжнародных арганізацыях.

Рыжанкоў пацвердзіў прыхільнасць прынцыпу аднаго Кітая, а таксама падтрымаў намаганні кітайскага ўрада ў пытанні абароны нацыянальнага суверэнітэту і тэрытарыяльнай цэласнасці.

Бакі падкрэслілі гатоўнасць “да няўхільнага выканання ўсіх дамоўленасцяў кіраўнікоў Беларусі і Кітая па ўмацаванні палітычнага ўзаемадзеяння, пашырэнні гандлёва-эканамічнага і інвестыцыйнага супрацоўніцтва, развіцці прамысловай і тэхналагічнай кааперацыі”.