Ціханоўская ў Мюнхене выступіла на сустрэчы сеткі Women Political Leaders

Рэдакцыя Reform.news · 13 лютага 2026, 11:33

https://reform.news/be/cihano-skaja-mjunhene-vystupila-na-sustrjechy-setki-women-political-leaders/

Святлана Ціханоўская у межах візіту на Мюнхенскую канферэнцыю па бяспецы прыняла ўдзел у сустрэчы міжнароднай сеткі жанчын — палітычных лідараў. Мерапрыемства Women Political Leaders прайшло на палях канферэнцыі.

Як паведамілі ў офісе, у дыскусіі разам са Святланай Ціханоўскай прымалі ўдзел былая прэм’ер-міністр Вялікабрытаніі Тэрэза Мэй, міністр абароны Новай Зеландыі Джудыт Колінз, а таксама спецпасланнік Савета Еўропы па пытаннях становішча дзяцей Украіны Тордзіс Гільфадоттыр.

«Важна ціснуць на дыктатараў, адначасова прасоўваючы дэмакратычныя каштоўнасці. Я прашу вас проста збалансаваць гэты ціск падтрымкай людзей. Гэта так важна для тых змагароў за свабоду — адчуваць, што яны не адны, што іх не кінулі, што пра іх не забыліся. Бо кожны крок салідарнасці, кожны крок падтрымкі — гэта як падзарадка нашай батарэйкі, якая не дае нам шанцаў здацца», – заявіла Ціханоўская.

Яе выступленне было прысвечана дэмакратыі, якая знаходзіцца пад ціскам, і таму, як міжнародная супольнасць можа падтрымліваць міжнародныя рухі. Паводле яе слоў, самая эфектыўная падтрымка — тая, якая ўмацоўвае людзей: прынцыповая пазіцыя па сфальсіфікаваных выбарах, непрызнанне дыктатур, ізаляцыя рэжымаў, а не людзей, а таксама падтрымка незалежных СМІ, праваабаронцаў, культурных ініцыятыў і сем’яў палітвязняў.