Мужчына ўпаў у калодзеж у Клецкім раёне

Рэдакцыя Reform.news · 7 лютага 2026, 17:58

https://reform.news/be/muzhchyna-pa-u-kalodzezh-u-kleckim-rajone/

Мужчына ўпаў у калодзеж падчас рамонту помпы ў Клецкім раёне, паведамляе прэс-служба МНС. Інцыдэнт адбыўся сёння ў аграгарадку Нагорнае ў двары прыватнага дома.

Мясцовы жыхар знаходзіўся на глыбіні каля 10 метраў. Як высветлілася, ён праводзіў рамонтныя работы помпы, вяровачная лесвіца абарвалася, і мужчына ўпаў на дно. Сын спрабаваў самастойна дапамагчы бацьку, але безвынікова.

Ратавальнікі апусцілі мужчыне пояс са страхавальнай вяроўкай і дасталі яго на паверхню. Медыцынская дапамога яму не спатрэбілася.