Трамп заявіў, што Пуцін пагадзіўся на тыднёвую паўзу ва ўдарах па Кіеве

Рэдакцыя Reform.news · 29 студзеня 2026, 21:31

https://reform.news/be/tramp-zajavi-shto-pucin-pagadzi-sja-na-tydnjovuju-pa-zu-va-darah-pa-kieve/

Прэзідэнт ЗША Дональд Трамп заявіў, што Уладзімір Пуцін пагадзіўся не абстрэльваць Кіеў на працягу тыдня з-за халоднага надвор’я, піша Reuters.

«Я асабіста папрасіў прэзідэнта Пуціна не абстрэльваць Кіеў і іншыя гарады на працягу тыдня, і ён пагадзіўся гэта зрабіць», — сказаў ён на сённяшнім пасяджэнні кабінета міністраў, спаслаўшыся на «надзвычай халоднае надвор’е» у рэгіёне.

«Гэта было вельмі міла. Многія казалі: „Не марнуй час, у цябе нічога не атрымаецца“. Але ён гэта зрабіў», — дадаў Трамп.