БДУІР пахваліўся ваеннай падрыхтоўкай пад сцягам ПВК «Вагнер», але потым выдаліў пост

Рэдакцыя Reform.news · 25 снежня 2025, 20:30

https://reform.news/be/bduir-pahvali-sja-vaennaj-padryhto-kaj-pad-scjagam-pvk-vagner-ale-potym-vydali-post/

У тэлеграм-каналах Ваенны факультэт «БДУІР» і «Ваенная адукацыя» быў апублікаваны фотарэпартаж пад назвай «Адзін дзень з жыцця курсанта ваеннага факультэта БДУІР». Пост правісеў нейкі час, а затым быў выдалены, заўважыў тэлеграм-канал «Успели».

На фотаздымках студэнты Беларускага дзяржаўнага ўніверсітэта інфарматыкі і радыёэлектронікі ў ціры трэніруюцца страляць з аўтамата і зараджаць абоймы патронамі. Звяртае на сябе ўвагу, што ўсё гэта яны робяць на фоне чорнага сцяга расійскай ПВК «Вагнер».

Па якой прычыне быў выдалены пост, не паведамляецца.