Рыжанкоў трапіў у базу «Міратворца»

Рэдакцыя Reform.news · 15 снежня 2025, 10:42

https://reform.news/be/ryzhanko-trapi-u-bazu-miratvorca/

Міністра замежных спраў Беларусі Максіма Рыжанкова ўключылі ў базу ўкраінскага цэнтра «Міратворац». На гэта звярнула ўвагу «Радыё “Свабода”».

Рыжанкова ўключылі ў базу 14 снежня. На сайце ён названы «прадстаўніком кіраўніцтва беларускага дыктатарскага рэжыму Лукашэнкі і спартыўным функцыянерам».

У якасці падстаў для ўключэння ў базу пазначаныя «прапаганда вайны», «публічная падтрымка расійскай агрэсіі», «удзел у легітымізацыі расійскай акупацыі Данбаса», а таксама замах на суверэнітэт і тэрытарыяльную цэласнасць Украіны.