Зяленскі прыехаў у Купянск, пра захоп якога заяўляла Расія

Рэдакцыя Reform.news · 12 снежня 2025, 17:53

https://reform.news/be/zjalenski-pryeha-u-kupjansk-pra-zahop-jakoga-zaja-ljala-rasija/

Прэзідэнт Украіны Уладзімір Зяленскі прыехаў у Купянск 12 снежня і запісаў відэа каля стэлы горада.

«Сёння — Купянскі напрамак, нашы воіны, якія тут дасягаюць вынікаў для Украіны. Многія расіяне казалі пра Купянск — мы бачым. Быў, павіншаваў хлопцаў. Дзякуй кожнаму падраздзяленню, усім, хто змагаецца тут, усім, хто знішчае акупанта», — заявіў Зяленскі на відэа.

Міністэрства абароны Расіі заяўляла пра поўны кантроль над Купянскам 21 лістапада.

12 снежня праект DeepState паведаміў, што Узброеныя сілы Украіны заблакавалі расійскія войскі ў Купянску і цалкам ачысцілі ўсю паўночна-заходнюю частку горада. Корпус ВСУ «Хартыя» заяўляе пра паступовае вызваленне Купянска ад расіян і баі ў цэнтры горада.