Скрыншот з відэа.
У суботу, 10 кастрычніка 2026 года, на стадыёне Deutsche Bank Park у Франкфурце-на-Майне адбыўся маштабны стадыённы канцэрт беларускага рэп-выканаўцы Макса Каржа. Шоу сабрала каля 30 тысяч прыхільнікаў з усёй Еўропы, але запомнілася не толькі маштабам, але і сур’ёзнымі сутычкамі з паліцыяй, а таксама рэзкай антываеннай прамовай артыста.
Як паведамляе паліцыя Франкфурта, фанаты Каржа пачалі збірацца ў горадзе за некалькі дзён да выступу:
Чацвер і пятніца — сотні прыхільнікаў ладзілі вулічныя «двіжы» на пешаходнай вуліцы Цайль і мосце Флёссербрюке, дзе запальвалі фаеры, уключалі калонкі і ладзілі слэмы. Паліцыя некалькі разоў прымушала фанатаў разайсціся.
Дзень канцэрта — на ўваходзе на стадыён праз знойдзеную піратэхніку паліцыя не пусціла 25 чалавек.
Пасля шоу — у раёне Альт-Заксенхаузен адбыліся сутычкі, а некаторыя ўдзельнікі атакавалі сілавікоў кідкамі бутэлек.
Агулам за час правядзення мерапрыемства паліцыя затрымала 63 чалавека. Супраць іх порушаны крымінальныя і адміністрацыйныя справы за выкарыстанне забароненай піратэхнікі, напад на паліцэйскіх і парушэнне грамадскага парадку.
Падчас выступу Макс Корж прысвяціў значную частку сцэнічнага часу антываеннай прамове, заклікаўшы неадкладна спыніць баявыя дзеянні. Яна была адна з самых доўгіх за апошні час.
«Эту войну надо немедленно остановить… Невозможно остановить метеорит, чуму, любые эпидемии. Войну можно остановить. Это могут сделать те люди, которым она выгодна. Остановите эту войну и переговаривайтесь сколько угодно. Вам нравятся переговоры — ведите их сколько угодно. Остановите, можете не отпускать никого, можете оставить ребят по казармам. Договаривайтесь 10, 20, 30 лет, 100 лет договаривайтесь. Какой смысл этих переговоров, если война идет прямо сейчас и погибают люди? Остановите убийство людей, остановите бомбардировку. Остановите испытание оружия на живых людях».
Калі натоўп на трыбунах пачаў скандаваць антываенныя лозунгі і выкрыкваць нецэнзурныя крычалкі ў адрас Пуціна, музыка спыніў заклікі і папрасіў не згадваць імёны палітыкаў:
«Я бы не хотел, чтобы вы называли имена известных людей, политиков… У нас был парень в киевском движе, его звали Оптимист… Сейчас его уже нет с нами. Вы понимаете, по какой причине. Я бы хотел, чтобы вы кричали одно имя — Оптимист!».
Пасля гэтага Корж прысвяціў загінуламу прыхільніку песню «Оптимист», заклікаўшы засяродзіцца на памяці пра страчаных людзей. Ён таксама нагадаў пра каштоўнасць свабоды перамяшчэння і захавання ўнутранай незалежнасці, нягледзячы на зачыненыя межы.
Падпісвайцеся на культурныя навіны Reform.news у Telegram