Фото: twitter.com/Straz_Graniczna
З 5 па 11 кастрычніка тэрыторыю Польшчы па патрабаванні польскіх уладаў пакінулі 47 грамадзян Беларусі.
34 чалавекі выехалі з Польшчы добраахвотна. 13 беларусаў былі выдвараны з краіны прымусова, паведамляе польская памежная служба.
Усяго за тыдзень Польшчу па патрабаванні ўладаў пакінулі амаль 200 замежнікаў. Сярод іх былі асобы, асуджаныя за кіраванне аўтамабілем у стане алкагольнага ап’янення, парушэнне ПДР, прадастаўленне непаўналетнім доступу да наркатычных рэчываў, прымушэнне іншай асобы да палавых зносін з ужываннем гвалту, прысваенне чужой рухомай маёмасці, вытворчасць і ўвядзенне ў абарот цыгарэт без акцызных марак.