Абвешчаны поўны спіс прэміі імя Францішка Багушэвіча за 2025 год

Беларускі ПЭН апублікаваў поўны спіс твораў, дапушчаных журы прэміі Францішка Багушэвіча да ўдзелу ў конкурсе за 2025 год.

Сёлета на прэмію паступілі дзясяткі заявак – ад кніг і даследаванняў да падкастаў, відэа і мультымедыйных праектаў. Прэмія аб’ядноўвае розныя фарматы, мэтай якіх з’яўляецца асэнсаванне беларускай гісторыі, культуры і калектыўнай памяці.

У поўны спіс увайшлі 24 творы, якія адпавядаюць крытэрыям конкурсу і былі прынятыя да разгляду журы

Кнігі:

1. «Апошнія сведкі Гродна» – Руслан Кулевіч (самвыд, Польшча, 2025);
2. «Беларуская літаратура перыяду трансфармацыі. Абрысы замглёнага краявіду» – Сяргей Кавалёў (Выдавецтва Універсітэта Марыі Кюры-Складоўскай, Люблін, 2025);
3. «Беларускі каляндарны энцыклапедычны даведнік» – Уладзімір Хільмановіч (Kniżny Vyraj, Беласток, 2025);
4. «І даўней так пелі: Музычны фальклор старавераў паўночна-заходняй Беларусі» – Вольга Барышнікава (Skaryna Press, Лондан, 2025);
5. «Кола дня» – Аляксандра Турава (2025, зашыфраваны ўдзел);
6. «Кровазварот» – Юлія Цімафеева (Янушкевіч, Варшава, 2025);
7. «На “Старт” і ў “Тэмпе”: Ножны шпурляк на Аршаншчыне» – Арцём Сізінцаў (Skaryna Press, Лондан, 2025);
8. «Патаемная спадчына. Казкі пра беларускіх жанчын», т. 1 і 2 – Таццяна Гайдук (BYPROSVET/Magenta, Варшава, 2025);
9. «Проста з любові. Рэпарцёрскія партрэты памяці» – Ганна Кандрацюк (выдавецтва Цэнтра беларускай культуры ў Беластоку, Беласток, 2025);
10. «Туман, які ахутвае цябе» – Паўліна Кот (аповесць з кнігі «Паспець да цемры: Містычныя гісторыі з Беларусі». Пфляўмбаўм, Вільня, 2025);
11. «Халодныя землі» – Аляксандр Карнаўх (Gutenberg Publisher, Кракаў, 2025);
12. «Цені падмуркаў» – Milestone (2025, зашыфраваны ўдзел);
13. «Цесля жыцця» – Сяргей Дубаўцэвіч (2025, зашыфраваны ўдзел);

Артыкулы, падкасты, відэаблогі і іншае:

1. «Беларусь як “культурное падабенства каланіяльнай Афрыкі”, ці Антыкаланіяльнае паўстанне камуніста Аляксея Каўкі» – Таццяна Астроўская (артыкул у часопісе «Topos», Вільня, 2025);
2. Падкаст «Гісторыя на Свабодзе» – аўтар і вядоўца Сяргей Абламейка (2025);
3. Візуальная паэзія «Дудка беларуская і смык беларускі» – аўтар Антось Сівых (2025);
4. Падкаст «Кінатэатр Беларусь», #7: Вольга Раманава і Іншая гісторыя беларускага савецкага кіно – аўтары і вядоўцы Тарас Тарналіцкі, Юлія Аляксеева (2025);
5. Падкаст «Літаратурныя зацемкі» – аўтар і вядоўца Сяргей Дубавец (2025);
6. Падкаст «Папрацуем», выпуск 1: Псіхалагічная сесія з Барбарай Радзівіл – аўтарка Яліна Яноўская (зашыфраваны ўдзел);
7. Тэлевізійны праект «Сармацкі вус» – аўтар і вядоўца Цімафей Акудовіч;
8. Відэапраект «Смаленне вепрука» – грамадская культурніцкая кампанія «Будзьма беларусамі!» і Алесь Кіркевіч (2025);
9. Відэапраект «Трызуб і Пагоня» – грамадская культурніцкая кампанія «Будзьма беларусамі!» і Алесь Кіркевіч (2025);
10. Відэаблог пра беларускую кухню «Pr0Food» – аўтар і вядоўца Сяргей Мазан (2025);
11. Падкаст «Tutaka» – фундацыя «TUTAKA» (2025).

Наступным этапам стане абвяшчэнне доўгага спісу прэміі.

Прэмія імя Францішка Багушэвіча была заснавана ў 1996 годзе і штогод адзначае найлепшыя творы, прысвечаныя гісторыі і культуры Беларусі, якія ўмацоўваюць беларускія традыцыі і аднаўляюць сувязь з мінулым.

Падпісвайцеся на культурныя навіны Reform.news у Telegram