«Вот так мне и приходится на этом свете жить»: фрык-гурт «Кассиопея» падзяліўся ў сеціве кліпам на песню пра здрадніцкае левае вока

Reform.news · 7 июня 2025, 13:11

https://reform.news/vot-tak-mne-i-prihoditsja-na-jetom-svete-zhit-fryk-gurt-kassiopeja-padzjali-sja-secive-klipam-na-pesnju-pra-zdradnickae-levae-voka/

Шызапоп-гурт «Кассиопея» выпусціў кліп на самую паранаідальную песню з яго новага альбому «Биполярная звезда» — «Левый глаз». Нагадаем радкі фантастычнага прыпеву з гэтай кампазіцыі: «Люди обычно смотрят вперед, а мой левый глаз наоборот. Правый нормальный, правый нормальный, а левый — предатель, предатель, предатель. Предательски смотрит наоборот».

У песні апісваецца знаёмая беларусам сітуацыя, калі чалавек намагаецца жыць у светлай рэальнасці, але яго левае вока па-здрадніцку заўважае, што нешта не так.

Рэжысёрам відэа выступіла Галя Шулепава.

Нагадаем, што сёння канцэртам у Вільні пачынаецца турнэ эксцэнтрычнага трыа ў падтрымку новага альбома «Биполярная звезда».

Прадстаўнік беларускага псіхапопа і фрык-попа, трыа «Кассиопея» быў заснаваны ў 2001 годзе ў Мінску. Для электроннага альтэрнатыўнага калектыву ўласцівы навукова-фантастычная і абсурдная тэматыка, а таксама своеасаблівае пачуццё гумару. У дыскаграфіі гурта дванаццаць альбомаў, у тым ліку чатыры EP.

Слухаць новую плытку гурта можна тут.

Падпісвайцеся на культурныя навіны Reform.news у Telegram