Выстава фатографа, які здымаў Мінск на працягу сарака гадоў, пройдзе ў Мастацкай галерэі Міхаіла Савіцкага

Reform.news · 6 мая 2024, 19:01

https://reform.news/vystava-fatografa-jaki-zdyma-minsk-napracjagu-saraka-gado-projdze-mastackaj-galerjei-mihaila-savickaga/

Персанальная выстава Вадзіма Качана, брэсцкага фатографа, які ў 1980-х прыехаў у Мінск і закахаўся ў сталіцу, яе стары горад і дух, 7 мая адкрыецца ў Мастацкай галерэі Міхаіла Савіцкага.

У экспазіцыі будзе прадстаўлена каля 300 фотаздымкаў Вадзіма Качана: гэта плёначныя фатаграфіі 1980-х гадоў з серый «Мінскія дворыкі», «Свята Мінска», «З акна аўтамабіля», «Дзіцячы дом»; лічбавыя фатаграфіі з разнастайных серый 2003-2024 гадоў.

«Час змяняе Мінск непарыўна, але на фатаграфіях [Вадзіма Качана] захоўваецца стары Верхні горад з яго ўтульнымі дворыкамі, нешырокімі вуліцамі, мясцовымі жыхарамі і выпадковымі мінакамі. Цэнтральныя вуліцы і праспекты горада гэтаксама трапілі ў аб’ектыў фатографа ў 1980-я гады, — адзначаецца ў анатацыі да праекта. — Асабліва рэдкія зроблены ў час святкавання Дня горада ў 1987 годзе…».

У фотаздымках аўтара не толькі адлюстраваны сюжэты з жыцця мінчан, вуліцы і дамы старога Мінска, але і захаваны дух і настрой часу, заўважаюць арганізатары выставы.

Падпісвайцеся на культурныя навіны Reform.news у Telegram