На беластоцкім фестывалі «Filmowe Podlasie Atakuje!» пакажуць беларускі фільм, зроблены на Падляшшы

Reform.news · 14 октября 2023, 12:45

https://reform.news/na-belastockim-festyvali-filmowe-podlasie-atakuje-pakazhuc-belaruski-film-zrobleny-na-padljashshy/

Сёння ў Беластоку стартуе фестываль „Filmowe Podlasie Atakuje!“, то-бок „КінаПадляшша атакуе“, — піша радыё «Рацыя». Удзельнік фестывалю Януш Гаўрылюк, прадзюсар, рэжысёр і дырэктар фэсту беларускага кіно „BulbaMovie“, распавёў, што падчас фестывалю будзе паказаны беларускі фільм, зроблены на Падляшшы.

„Bocian“ рэжысёра Януша Гаўрылюка — гэта ігравое кароткае кіно, рэалізаванае польска-беларускай камандай. Фільм распавядае пра маладога чалавека па мянушцы «Боцян», які прыязжае на Усходняе Падляшша да мясцовага кантрабандыста Паўлюка, які павінен правесці яго праз зялёную мяжу ў Беларусь. Вяскоўцы рыхтуюцца да Купалля, а вандроўка на мяжу зацягваецца…

Фільм ідзе на польскай мове з беларускімі субцітрамі.

„Filmowe Podlasie Atakuje!“ адбываецца ў дваццаты раз. Фестываль прэзентуецца як платформа для вольнага кінавыказвання — для аўтарскага, мастацкага, непрафесійнага і эксперыментальнага фільма. Сярод стваральнікаў — паэты, журналісты, студэнты мастацкіх і кінашкол, мастакі і незалежныя рэжысёры, якія здымаюць сюжэты, дакументальныя фільмы, кліпы і анімацыю. Адны толькі дэбютуюць, іншыя ўжо шмат гадоў узнагароджваюцца на нацыянальных фестывалях.

Падпісвайцеся на культурныя навіны Reform.by у Telegram