Фота: Алесь Пілецкі.
З 29 на 30-тае кастрычніка 1937 года ў Мінску супрацоўнікамі НКВД былі расстраляныя больш за сто прадстаўнікоў беларускай інтэлігенцыі, сярод іх — 22 літаратары. Гэту «чорную» дату ў сваёй гісторыі, якая аказала далейшы ўплыў на пакаленні, беларусы назвалі «Ноччу расстраляных паэтаў».
Сёлета памятныя акцыі праходзілі па ўсім свеце: беларускія дыяспары зладзілі імпрэзы і ўшанаванні беларусаў, загінуўшых і пацярпелых у жорнах рэпрэсій, у 38 гарадах свету. Фотаграфу Алесю Пілецкаму ўдалося пабываць на акцыі «Ноч расстраляных паэтаў» у Кіеве. Прапаноўваем яго фотарэпартаж — вашай увазе.
Ад аўтара.
— Творчая імпрэза, зладжаная Аляксандрай Моладавай і беларускімі актывістамі, адбылася на летняй сцэне рэстарана «Казак». Вядучымі вечара з’яўляліся Кацярына Ваданосава і Яўген Казакевіч. На сцене ажылі і прагучалі беларускія паэты Тодар Кляшторны, Ізі Харык, Юрка Лявонны, Валеры Маракоў, Міхась Чарот, Юлі Таўбін, — іх галасамі сталі Алесь Плотка, Дзяніс Бурко, Ketevan, Аляксандра Моладава, Мікола Семашчук, Марыйка Грыц, Аляксандр Маліноўскі; Канстанцін Якаўлеў прачытаў свой верш з нагоды. Гістарычную замалёўку пра падзеі 1920-30-тых гадоў ХХ стагоддзя яскрава стварыў Алесь Плотка. Напоўніла вечар музыкай і песнямі на вершы расстраляных паэтаў Кацярына Ваданосава і маленькая, але ж неймаверна таленавітая, дачка Кацярыны — Стэфка.
Фота: Алесь Пілецкі адмыслова для Reform.by.